KAHIT NA MASAKIT NA MASAKIT ANG ULO KO at kailangan ko pa ng pahinga ay hindi ako nagpaawat sa pagpasok sa eskuwelahan. Hindi puwedeng hindi ako mag-take ng final tests ngayon. Mahihirapan akong mag-test kung saka-sakaling hindi ako pumasok. Magiging busy ang mga professor pagkatapos ng mga test kaya hindi ako puwedeng mawala. I’d endure this headache. Hindi naman siguro ako mamamatay dahil dito.
“Mauna na po ako,” paalam ko sa aming kasambahay na naroon bago lumabas.
Wala ang parents ko ngayon. Tanging si Keiffer lamang ang naabutan ko kanina. Nalaman kong may meeting na dadaluhan sina Mommy at Daddy sa Vancouver, Canada. They flew last night. Nabasa ko lamang ang pamamaalam nila sa akin matapos kong i-charge ang cell phone ko.
“Ma’am, okay lang po ba kayo? Mukha po kayong may-sakit, a
