Napakagat na ako ng labi doon dahil napagtanto kong napaka-brutal naman ng ginamit kong mga salita sa paglalarawan ng aming ginawa ni Vins. Hindi ko alam kung maiintindihan ako ni Miura, pero adult na rin naman siya kaya baka alam na rin niya iyon. Hindi naman na siguro iyon masama para sa kanyang isipan. Matamang pinagmasdan ko ang kanyang mukha. Hinihintay ang magiging reaction niya sa aking mga sinabi. Maya-maya pa ay halos mahulog na ang kanyang magkabilang panga habang nanlalaki ang mga mata. Oo na, siguro nga ay masyadong inosente pa ang kanyang isipan pagdating sa ganitong mga bagay pero iyon naman talaga ang nangyari sa pagitan namin. Hindi ko na iyon ikinubli pa sa kanya dahil iyon naman ang totoo. Ilang minuto pa ay nawalan na siya ng imik, marahil ay hindi niya alam ang tamang r
