Ang itatagal nila ay nakabase sa magiging performance nila sa gabing iyon. Pakiramdam ni Aryan kulang ang kanyang drive pagkagising pa lamang niya, kompara sa iba na nagpupursigi ay tila nakaramdam na siya ng pagod at kagustuhang tumigil. Wala siyang performance na hindi maganda, lahat iyon ay ginawa niya nang buong puso dahil gusto niyang marating ang spot kung saan magbibigay sa kanya iyon ng validity as an artist.
Nahawakan niya ang dibdib, ilang beses huminga nang malalim at bumuga rin ng marahan. Hindi mawala sa isipan niya ang mga sandali na magkasama si Sydney at Alejandro. Wala naman siyang dapat isipin tungkol doon, ano man ang relasyon ng dalawa’y labas na siya roon, pera ang ibinigay nito sa kanya kapalit ng kanyang serbisyo.
Tinawagan niya ang kanyang manager bago pumunta s
