Nang makita ni Aryan ang President ay bigla siyang nahiya na salubungin ito, pero kinawayan niya ito nang mapatingin ‘to sa kanya matapos nitong bumaba sa sasakyan.
“Natagalan ka ba?” tanong nito.
Umiling si Aryan. “Nalayuan ka ba? Ito lang ang safest place.”
Sinamahan na siya nitong umakyat sa mataas na hagdanan na may bilang na isangdaan na baitang at paikot. Maganda ang view niyon at malamig rin ang simoy nang hangin dahil mataas na ang lugar.
“Ito lang ang afford ko na pinakamahal sa ngayon, nakakuha pala ‘ko ng pera doon sa napanalunan naming grupo na team task at sponsored.”
Si Alejandro ay sinusundan lamang nang tingin si Aryan. Wala itong bahagi na hindi niya nagugustuhan kahit maging ang matipid na ngiti nito, curious lang siya kung ang magiging maingat nito sa paraan ng pag
