“Mr. President, baka hanapin ako.” Hindi maiwasan ni Aryan na sabihin ‘yon dahil medyo kinakabahan siya sa kanilang ayos ni Alejandro. Masyado rin itong nakatitig sa kanya at ilang ulit inangkin ang labi niya. Gusto niyang tingnan ang labi kung talaga bang may sugat iyon dahil may hapdi siyang nararamdaman
“Alam nilang kasama kita,” sagot ni Alejandro.
Oo nga naman, naisip ni Aryan na alam ng mga coach nila kinakausap siya nito.
Nakasampa siya sa binti nito paharap dito habang ang isang braso nito’y nakayakap sa kanya para suportahan ang kanyang likuran.
“Sinong nakaisip ng scene ninyo?” tanong ni Alejandro.
“Napag-isipan namin na tatlo, wala kaming babae sa grupo kaya ganoon ang nangyari. Open din naman ang Boy’s love story sa ACE kaya naisip namin na hindi naman siguro ito magiging
