***Luth POV***
MALALAKI ang hakbang ko patungo sa gate dahil panay ang tunog ng doorbell. Binuksan ko ang maliit na gate na pangtao at tumambad sa akin ang tatlong lalaki na kahulmahan ni Ser Elian. Matatangkad ang mga ito, makikisig ang pangangatawan at mga gwapings gaya ng amo ko. Halata ring mayayaman base sa mga suot at sa mga sasakyan na nasa kanilang likuran. Mukhang mga kaibigan sila ni Ser Elian pero hindi ako sure.
"Hi!" nakangising bati sa akin ng isa sa kanila. Maging ang dalawa pang lalaki ay ngumisi rin.
"Langya, may binabahay na pala ang lokong Elian," saad pa ng isa.
Nag init naman ang pisngi ko. Napagkamalan na naman akong babae ni Ser Elian. Hindi kasi ako naka-scrub uniform ngayon dahil kauuwi ko lang galing sa bahay namin. Tinanghali na ako dahil sinamahan ko pa si
