NEZZIE JANE
Kakahinto lang ng sinakyan naming taxi ni Wookie sa harap ng Hotel Trevino. Habang nasa biyahe kami kanina ay tahimik lang ako. Hindi pa rin ako maka-get over sa dami at sunod-sunod na mga nangyare. Halos kakalabas ko lang ng ospital kanina dahil sa natamo kong mga sugat at paso mula sa tangkang pagsunog sa kwartong tinutuluyan ko kahapon. Tapos nasundan naman ulit ng pamamaril pa nang papunta na kami sa presinto. Ayaw pa rin akong tigilan ng mga tauhan ni Ninong.
Nahihiya tuloy ako kay Wookie dahil nadamay pa ang sasakyan nito dahil do'n sa nangyare. Nalagay din sa alanganin ang buhay nito. Pero kahit gano'n ay mas inalala niya pa rin ang kaligtasan ko. Hindi niya ako pinabayaan. Hindi niya rin hinayaan na may mangyare sa akin na masama. Hindi rin siya pumayag na makuha lan
