Kabanata 43
"Hindi ka pa ba papasok sa opisina? Magta-tatlong linggo ka ng hindi pumapasok sa trabaho ah?" may pag-aalalang tanong sa akin ni Mich habang nag-aayos siya ng mga dala niyang plastic bag.
Nagkibit balikat ako sa tanong niya. Pinagmasdan ko lang siya habang nag aayos. Hindi ko maiwasang mapangiti ng tipid. Pumunta si Mich dito upang bisitahin ako. Umaga palang ay nambulabog na agad siya sa bahay ko. Ang mahimbing kong tulog ay nabulabog dahil sa pagkatok niya ng pagkakalakas at sa nakakarindi niyang sigaw. Nainis ako sa kanya kanina pero hindi ko naman siya sinigawan.
Imbis na ako ang magalit ay siya pa iyong nainis sa akin. Nakakarinding sermon ang inabot ko sa kanya nang pagbuksan ko siya ng pinto. Pinagsawalang bahala ko na lang ang pag-sesermon niya sa akin at binelatan
