Balisa ako habang naka-duty. Dalawang araw na rin naman ang nakalilipas simula noong dumating si Yeoj, pero ni anino niya ay hindi ko pa nakikita.
Aaminin kong nasasabik akong makita siyang muli. Ano na kaya ang itsura niya ngayon? Ilan na kaya ang anak niya? Nagkatuluyan kaya sila ni Camille? Napabuntong hininga na lang ako sa mga katanungan kong iyon sa aking sarili na hindi naman siyempre masasagot.
“Ang lalim naman noon.” Napalingon pa ako sa nagsalita.
Si Kuya Raffy pala, hindi ko man lang namalayang nasa likuran ko pala siya. Nasa pantry kasi ako ngayon at nakahalukipkip na nakasandal sa working table namin, paharap sa shelf na lagayan ng mga condiments.
“Kuya Raffy, anong gagawin mo kapag nagbalik iyong ama ng anak mo?” tanong ko rito.
“Aba naman MJ, paanong mangyayari iyon,
