Ito na ang huling araw namin ngayon. Ang totoo ay hindi ko alam kung may naitulong ba talaga ako sa business trip na ito dahil ang madalas niya lang namang ipagawa ay ang pagbabasa ko ng ilang papeles ng paulit-ulit. Bihira lang din akong isama sa meeting niya madalas ay naiiwan ako rito at nagbabasa ng ipinapagawa niya.
Ngayon ay naghahanda na ako para sa event. Siya naman ay nasa kabilang room kasama ang kakilala at doon nag-ayos. Mabuti na rin iyon nang makapag-ayos ako ng hindi naiilang dahil kasama ko siya.
Naglagay ako ng kaunting foundation sa mukha. Kahit naman hindi na ako nito maglagay ay mukhang naka-make-up pa rin ako. Hinayaan ko lang na nakalugay ang aking mahabang buhok, ang labi ko ay nilagyan ko lang ng kaunting matte red lipstick. Ang sinuot ko naman ay ang binili nami
