CHAPTER 19
ARIANNA'S POV
"What happened?" tanong ni Jackson nang lapitan niya ako. Bumuntong-hininga ako habang nakatingin sa kaniya, saka marahang umiling.
"Augustin happened."
Nagsalubong ang kilay niya. "Si Lolo? Ano na naman ang ginawa niya sa 'yo?!"
Tatalikuran niya na sana ako pero mabilis ko siyang pinigilan sa braso. Alam kong kung hindi ko siya pipigilan ay susugurin niya ang lolo niya. Napatingin ako sa kamao niyang mahigpit na nakabilog. I guess, hanggang ngayon ay hindi pa sila maayos ng lolo niya, kaya isang sabi ko pa lang ng pangalan nito ay nag-init kaagad ang ulo niya. Pumungay ang mga mata ko nang itaas ko ulit ang tingin ko sa mukha niya. Nakatitig lang siya sa akin.
"Nag-usap lang kami, 'wag kang mag-alala."
"Alam kong hindi ka sasaktan ng pisikal ni Lolo, Ariann
