CHAPTER 20
ARIANNA'S POV
"Talaga bang darating si Jackson? Puwede namang ako na ang sumama sa 'yo sa grocery," ani Mama habang nilalaro ang kamay ni Elle. Ang anak ko namang smiley face ay tuwang-tuwa sa lola niya.
Nagkibit-balikat ako habang tinatali ang buhok ko pataas at pinapanood sila.
"Sabi po niya, pero if ever naman na hindi ay kaya ko naman pong mag-isa. Ikaw na lang po ang maiwan kay Elle para hindi ko na tawagan ang babysitter niya."
Ngayon ang pang 6th months old ni Elle, kaya naman maagang nagpunta si Mama rito sa bahay para tulungan ako sa paghahanda. Hindi pa niya kasama si Tito Leon dahil as usual, kahit na weekend ay may trabaho pa rin ito, kaya mamaya na lang daw sila ni Celestine pupunta for dinner.
"Pero talaga bang nagkaayos na kayo, anak?"
Sumandal ako sa
