CHAPTER 21
ARIANNA'S POV
Panay ang lingon ko sa sala habang nagluluto ako. Panay ang bungisngis ni Elle at ang pagtawa ni Jackson. Abala sila sa paglalaro, at hindi ko alam kung anong klaseng laro ang ginagawa nila ngayong anim na buwan pa lang si Elle. Panay tawa na ng bata. Gusto ko sanang sitahin dahil baka kinikiliti niya kaya tawa sila nang tawa, ayoko naman mamayat ang anak ko. Ang kaso ay hindi ko na lang sinisita dahil natutuwa rin ako sa pagtawa nilang mag-ama.
"Ang saya nilang pareho," naiiling pero natatawa na bulong ni Mama sa tabi ko. Siya ang tumutulong sa akin sa pagluluto, sa paghihiwa at sa paghuhugas ng mga dapat hugasan.
Tiningnan ko si Mama. Pakiramdam ko ay hindi lang ako ang parang natutunaw ang puso habang pinapanood ang mag-ama. Alam kong ganoon din siya.
"Ma,
