#ILoveYouBro
CHAPTER 36
JACK MONDRAGON’S POINT OF VIEW:
Nakakunot ang noo at magkasalubong ang magkabilang kilay ko na nakatingin sa office table ko. Paano naman kasing hindi ako magtataka, may isang tasa ng kape na nakapatong doon.
Naupo ako sa swivel chair habang hindi pa rin inaalis ang tingin ko sa tasa ng kape na mukhang kalalagay lamang dito sa mesa ko dahil umuusok pa.
Napatingin ako kay Sir Kirk na kapapasok lamang dito sa opisina niya. May dala siyang tasa ng kape at napatingin sa akin. Siya kaya ang nagbigay nito?
“Inumin mo muna ang kape bago lumamig at magising ka. Mahaba-haba pa ang oras ng trabaho,” sabi niya. So, siya nga ang nagbigay. Kunsabagay, siya at ako lang naman ang madalas na nakakapasok dito sa loob, minsan lang naman nakakapasok dito a
