Kinaumagahan nagising si Savannah na wala na sa higaan nito si Noah, sa kabilang side ng bed. Napapagitnaan kasi nila ang kambal. Pero may mga pagkakataong sa madaling lumilipat sa tabi niya ang lalaki. Lalo na kung gustong gumawa ng milagro.
Bumangon siya at sumulyap sa wall clock na nakasabit sa dingding, sa itaas ng flatscreen tv. Alas syete pa lang umaga. Ang aga yatang bumangon ng lalaki. Kapag weekends kasi tanghali na sila kung gumising.
Muli siyang nahiga, tumagilid paharap sa kambal at hinaplos ang pisngi ng dalawang bata.
Parang mga baby pa din kung matulog ang dalawa, nakadapa at tulad ni Noah, bahagyang nakanguso at naka-awang ang labi. Dinama niya ang impis pa tiyan, next year tatlong bata na ang katabi nila matulog, tatlong bata na ang mag-iingay at mangungulit sa kanila
