NATIGILAN si Savannah nang makita ang mga bisitang nakaupo sa sofa. Si Olive at Chloe. Ang kaninang magaan na pakiramdam sa puso niya ay napalitan ng pangamba.
Magkahawak ang kamay na lumapit sila ni Noah sa mag-ina.. Hindi pa man sila tuluyang nakakalapit, tumakbo kaagad si Chloe at yumakap kay Noah.
What are they doing here?
"I've missed you, Daddy! Uwi ka na po sa bahay please!" paki-usap ng bata. Hindi ito bumibitiw ng pagkakayakap sa beywang ni Noah.
Hindi dapat siya makaramdam ng kirot at selos sa dibdib, pero hindi niya mapigilan ang sarili. Babawiin sana niya ang pagkakahawak sa kamay ni Noah ngunit hindi 'yon binitiwan ng lalaki. Sinulyapan siya nito pagkatapos ay ginulo ang buhok ng bata. Nakayakap pa din dito saka tinungo nila ang nakaupong si Olive.
"What are you doing
