Hindi na nilubayan si Zack ng mga palaisipan mula nang araw na iyon. Maliban sa kaniya, nabanggit din ng kapatid at katiwalang guwardiya ang may pagkakahawig nito sa ibang babae. Naroon pa rin ang curiosity niya kung bakit magkaiba ang apelyido ng magkapatid. May mali ba sa sekretarya niya?
Katulad ng umagang iyon. Nasa kaniyang lamesa na si Gwen. Pormal siya nitong binati at agad ginawa ang routine ng pagsasalaysay sa kaniya ng kaniyang schedule sa araw na iyon. Seryoso ito at tila alerto palagi sa paligid. Pansin niya rin ang maya't-mayang pagtitext o pakikipag-usap nito sa cell phone. Palihim niya itong pinagmamasdan. Nakakaramdam siya ng inis sa tuwing hawak nito ang gadget pero hindi naman siya makapag-reklamo dahil nasa ayos naman ang lahat at ang trabaho nito. On time din itong na
