Dahil sinabihan ako ni Apollo na huwag aalis sa hotel room, gano'n nga ang ginawa ko. Gabi na rin naman at mas gusto ko na lang na i-rehearse ang presentation na gagawin ko para sa semi-final round bukas. Wala pa rin akong balita sa kung ano na ang nangyari kay Apollo. Lowbatt din naman ang phone ko kaya hindi ko na muna chinarge para hindi ko magamit pansamantala. Ayokong ma-distract ngayon dahil bukas na ang semi-finals. Sigurado rin naman ako na hindi ako tatawagan ni Apollo ngayon dahil abala siya sa kumpaniya niya. Mukhang malaki ang problema na nangyari kanina. Kaya mamaya ko na lang bubuksan ang phone ko kapag alam kong may oras na siya para sa akin, at kapag tapos ko na ang ginagawa ko.
Sa gitna ng pagre-rehearse ko ay nakarinig ako ng katok mula sa pinto ng hotel room. Napatigil
