Kabanata 14
Heros
NAKAPAMULSA akong naglalakad patungo sa silid ni Punong Mahestrado. Lahat ng madaanan at makakasalubong kong mag-aaral ay napapayuko. Napangisi nalang ako. Wala talagang kwenta ang mga katulad nilang mga Manhara at Minhana. Mga mababang uri ng nilalang. Maswerte pa sila dahil nakakahalubilo sila ng mga maharlika.
Nang makarating ako sa gusali kung nasaan ang silid ni Punong Mahestrado ay agad akong pumasok. Malawak na bulwagan agad ang bumungad sa akin. Walang kahit na anong desenyo at tanging malawak na espasyo lang ang makikita.
Nang makarating na ako mismo sa kaniyang silid ay agad kong nakita na nakaupo si Zernon sa may couch. Kung titingnan ay mukha itong naiinip. Napangisi akong muli. Ang lalaking ito, napakataas ng tingin sa kaniyang sarili porket pabor sa ka
