“Bilib din talaga ako sa’yo, Captain. Pero hindi ka kasing talino ko.” Silip ni Hernandez sa sulok kung saan nakita niya kanina si Leonardo.
“Salamat sa papuri, Major. Hindi ko alam kung nauntog ba ang utak mo kaya mo nagawa ito pero ito lang ang masasabi ko. Kasabay kang babagsak sa impyerno ng mga kakampi mo!”
“Hinay-hinay sa pananalita, Sullivan. Hindi ba’t kakampi ko rin kayo?”
“Wala kaming kakampi na traydor!”
Tumawa ng malakas si Hernandez. Nakita niya pa si Durukat na unti-unting tumatakas ngunit pinabayaan niya na ito. Magiging delikado kung susundan niya ang lalaking iyon.
“Pasensyahan na lang tayo, Sullivan. Gusto ko lang naman makuha ang minimithi ko noon at hindi ko makukuha iyon kung magiging mabait ako. Sabi nga nila, masarap ang bawal.”
Leonardo snorted. “Masarap nga a
