Iba ang hatid ng lugar na ito sa kanya nang palabas na sila ng airport ng Iloilo. Matagal na siyang 'di nakabalik sa kinalakihang probinsya pero ngayon, may nanumbalik na mga alaala sa kanya. Napahinto siya bago pa man tuluyang makalabas ng exit. Isang malalim na buntonghininga ang pinakawalan niya dahil sa hatid na alaala ng lugar na ito.
"Boss," pukaw ni Felix na panay senyas sa likod ng kaibigan. Nginuso nito ang ilang taong nakahinto sa likod nila. "Lakad na, ang taffic natin..."
May mga taong nakasunod sa likod kaya nagkumpulan sila dahil siya ang nasa b****a ng exit area. Nagtagis ang bagang niya nang taasan siya ng kilay ng ilan.
"What the--" inis niyang anas nang gumilid siya.
Pa'no ba naman, may umirap sa kanya dahil sa bigla niyang paghinto. Maliit lamang ang exit ng airport
