Hatak niya papunta sa lugar ang asawa kung saan niya na-meet ang batang iyon kanina. Tahimik ang gusto niya para masabi niya ang lahat ng nasa loob niya, 'yong walang istorbo, 'yong solo nila ang mundo. Hapon na at ang tugtog na naririnig nila, napakalakas na nito. Kaninang umaga pa maingay ang plaza dahil huling araw na ng fiesta ngayon.
"Sa'n ba tayo pupunta, Kemp?"
"Saglit lamang tayo, mahal. May ipapakita lang ako sa'yo." Nang makapasok sa masukal na gubat, agad niyang dineretso ang daan papunta sa bahay-bahayan na iyon. Likod pala ito ng sementeryo ayon sa ama ng bata pero malayo naman ito kaya ayos lang. "Dito ka lang, ha," nakangiti niyang pinaupo ang babae sa nakalatag na mga dahon ng saging katapat ng bahay-bahayan. "Diyan ka lang, 'wag kang a-aalis..."
Paalis na siya nang isa
