Lulan na sila ng bus na wala pang ka-aircon aircon. Ang pinagsisintir ng asawa niya, hindi raw ito sanay sa biyahe dahil mahiluhin ito kaya mas pinili nitong bukas ang bintana ng bus na sinakyan nila papuntang Antique para makipiyesta sa isang kamag-anak ni Felix.
Nakasandal lang ang babae sa kanya at nakapikit. Naka-isang suka na rin ito. Buti na lang naabisuhan sila ni Felix na magdala ng plastic. Pinainum din niya ito ng bonamine kanina ayon na rin sa advice ni Felix pero nangasim pa rin ang sikmura nito dahil sa uri ng daan ng probinsyang ito.
Bangin na ang nadadaanan nila at may nakikita siyang kabahayan sa ilalim. Never pa siyang nakapunta rito dahil bandang Iloilo lamang na mga karatig-barangay ang nadadaluhan nila ni Felix. Parang bituka ng manok ang kanilang nadadaanan dahil pai
