LARA
Hindi ko mawari kung bakit ang gaan sa puso ng araw na ito. Para akong sira na pangiti-ngiting pumasok sa bahay samantalang napasubo ako kay Sir Jeremy kanina at napapayag niya akong tumira sa bahay niya ng isang buwan. Pagkatapos ay napatalon pa ni Manong Blake ang puso ko kahit na pangalan lang at plate number ng sasakyan niya ang alam ko.
Ngunit naging pansamantala lang ang ligayang nakamit ko ngayong araw nang pumasok ako sa sala at nadatnan ko ang aking ama na tumutungga na naman ng alak.
Akala ko ay hindi niya ako napansin dahil tutok na tutok siya sa pinapanood niya sa telebisyon. Pero kahit na mabilis akong pumunta sa kusina ay hindi pa rin ako nakaligtas sa kanyang mga mata.
"Hoy! Babae!"
Nanginig ang katawan ko sa talim ng boses niya. Sumulyap ako sa kuwarto naming ma
