Marahan ko siyang ibinaba sa kanyang kama nang padapa. Naaawang pinagmamasdan ko siya habang napapaungol siya sa sakit ng kanyang mga sugat. Napatingin ako nang marinig kong isinara ni Julie ang pinto ng kuwarto ni Casey.
Kaagad na akong kumilos. Dali-dali akong kumuha ng gunting para maialis na sa katawan ni Casey ang punit-punit niyang t-shirt. Nang maiabot ko ang gunting kay Julie ay agad akong lumabas ng kuwarto ni Casey at kinuha sa mga kamay ng nurse na naghihintay sa doktor na paparating ang mga gamot. Ayaw ni Casey na pumunta sa clinic ng building kaya sa kuwarto niya namin siya gagamutin.
Agad akong pumasok ulit sa kuwarto nang marinig ko ang pagtawag sa akin ni Julie. Nakita ko si Casey na wala ng pang-itaas at nakadapa. Tinatabingan ng kumot ang kanyang bewang pababa. Napaluno
