Mabilis na lumipas ang limang araw. Medyo namamanage na rin ni Maximus ang sarili. Hindi tulad noong mga nagdaang mga araw na parati siyang lasing at minsan pa'y nagwawala lang ng mag-isa sa unit niya.
"Hello..." tinig ng isang lalaki ang narinig ng binata sa kabilang linya. Naroon siya sa isang bar ng mga sandaling iyon at papauwi na rin siya dahil pasado alas-onse na ng gabi. Hindi naman siya lasing at kaya pa niyang ipagdrive ang sarili pauwi. Ilang araw na siyang hindi pumiperme sa condo unit niya dahil pinagtataguan niya si Dianne.
"Who's this?" kumunot ang kaniyang noo.
"This is Col. Franco Rizaldo, of 36th Infantry Battalion. Sorry kung napatawag ako ng wala sa oras. Mr. Guillermo of PNP Region IV, referred you to me. Magaling ka raw na sniper ng PNP Special Action Force."
