CAMILLA's POV
♛♕♛
Linggo, isang araw kung saan malaya kong nagagawa ang mga gusto ko nang walang istorbo o walang trabahong nag-iintay sa 'kin.
Wala rin si Annie ngayon dahil inutusan ko siyang magbigay ng liham kay Duke Viggo Pollux, ang tumulong sa 'kin para mabigyan ng pagkakakilanlan si Amon.
Si Lev naman ay abala sa kaniya pag-eensayo kahit na linggo ngayon at dapat ay pahinga niya.
Isang araw na magandang gamitin para turuan si Amon sa nalalapit na pagpapakilala niya.
"Hindi ganiyan Amon, kailangan mong ituwid pa ang iyong likod at yumuko nang maayos," turo ko sa kaniya sabay tapik sa kaniyang likuran at tumuwid naman siya nang pagkakatayo.
"Isa pa, nakadepende ang lalim ng pagkakayuko mo sa taong babatiin mo, pagkasama sa royal family ay dapat pantay ang pagkakayuko mo sa iyo
