Isang araw nakatanggap ako ng tawag mula kay Ashey na niyayaya niya akong pumunta sa perya. Tatanggihan ko sana siya, kaso naisip ko yung sinabi sa akin ni Manang na lawakan ko ang mundo ko. Wag kong ituon ang sarili ko sa iisang tao lang, at para din maisip ko na hindi lang naman sa tabi ni North ako magiging masaya at hindi lang siya ang mundo ko.
Simula magbakasyon ay hindi pa ako nakakapunta doon at naisip kong pumayag na sa paanyaya ni Ashey. Kahit kasi gusto ko sana ng pumunta dun nung mga nakaraang linggo ay hindi ko naman pwedeng ayain doon si North, dahil sa oras na umapak ang mga paa namin doon ay may makakakita at makakakilala agad sa amin, at lalong ayokong pumuntang mag-isa kaya ngayon lang talaga.
Pagkarating ko sa harapan ng peryahan ay nakita ko na si Ashey na kasama si
