SA DAKO naman ni Zir, alam niyang naka-inom siya pero hindi siya iyong tipong mabilis malasing. Ayaw niyang uminom masyado dahil nag-aalala siya sa mga kasama niya. Pansin niyang lasing na si Nera at si Clio naman ay bagsak na kahit na ilang baso lang ito naka-inom. Tanging silang dalawa lang ni Aeson ang nasa wisyo pa.
"Pre... Ikaw na mag-uwi kay Clio tutal malapit lang ang condo mo sa kanila," sabi sa kanya ni Aeson habang inaalalayan si Nera.
"Paano si Light?" Turo niya sa gawi ni Light.
"Ako na bahala kay Light. Iisa lang naman daan namin," wika ni Aeson.
Nagpasya na silang umuwi dahil madaling araw na rin. Dahan-dahang inalalayan ni Zir si Clio para makatayo ito. Ingat siyang inalalayan si Clio hanggang sa makalabas sila ng bar at makarating sa parking area kung saan nakaparada an
