PABALIK na si Camille sa coffee shop. Personal kasi niyang dinala ang cake sa venue na pinagawa sa kanya ng kaibigan. Hindi naman siya nagtagal dahil may kinausap pa siyang kliyente sa kalapit na mall. Mabuti na lang pala at hindi na niya sinama si Cyd dahil mapapagod lang ito. Nagmamadali na siyang makabalik dahil nakiusap si Ivan na kung puwede ay sunduin nito si Cyd. Isasama raw kasi ito sa Cavite dahil golden wedding anniversary ng lolo at lola nito kinabukasan.
Pumayag naman siya dahil naging close na rin si Cyd doon. Isa pa, ayaw rin niyang ipagdamot kay Cyd ang pagkakataong makasama ang mga lolo at lola nito sa parte ni Ivan.
Hindi na muna niya inintindi ang sasabihin pa ni Izaiah tutal wala naman siyang ginagawang masama. Hanggang ngayon kasi ay hindi pa
