PASADO ALAS-DIYES na ng umaga kagigising lang ni Ivan. Lumabas siya ng kuwarto matapos maghilamos. Sabado naman kaya hindi na muna siya papasok dahil may meeting siya mamaya sa designer. Nasa bahay lang siya at si Cassandra naman ang wala. Halos hindi na sila nagkikita ng asawa. Madalas ay gabing-gabi na rin kasi siya umuuwi at natutulog na ito. Kinabukasan ay maaga naman siyang aalis.
Aminado siyang nawalan siya ng ganang umuwi ng bahay mula noong namatay ang baby nila sa sinapupunan ni Cassandra. Palagi na lamang sila nag-aaway ni Cassandra. Hindi pa rin ito makapag-move on, sinisisi siya at ang walang kaalam-alam na si Camille.
Nasa pasilyo siya at bababa na sana siya ng hagdan para kumain nang mapansin niya ang nursery room. Naglakad siya palapit dito at pinihit ang siradura ng pin
