GABING-GABI na pero hindi pa rin dalawin ng antok si Camille. Nasa tabi lang niya si baby Cyd. Ayaw niya kasi itong paalagaan sa yaya nito lalo na sa gabi. Gusto niya ay katabi niya itong matutulog. Napangiti siya sa tila maliit na anghel sa tabi niya. Napaka-cute nitong tingnan. Mag-iisang buwan na si Cyd kaya mas lalo niyang nakikita ang mukha nito na kahawig na kahawig ng ama. Napabuntong-hininga siya. Iniisip niya kung ano’ng posibleng ginawa ni Ivan noon, sakaling nalaman nitong buntis siya. Magagawa kaya nitong iwan ang asawa at siya ang samahan? Kagaya ng mga napapanood niya sa pelikula? Muling gumuhit ang lungkot sa kanyang mukha at tila nag-iinit ang kanyang mga mata sa nagbabadyang mga luha. Hanggang kailan ba siya masasaktan ng ganito? Gusto na niyang kalimutan si Ivan at magsim
