PAGDATING sa mansyon ay nadatnan niyang nag-uusap usap ang pamilya sa living room nila.
“Mom, Dad!” agad na humalik siya sa pisngi ng mga ito. Pagkuwa’y nagbeso din siya kay Arabella. Nakatingin lang si Julius sa kanila.
“Saan ka ba galing, anak? Tinatawagan kita sa phone mo kanina pero hindi ka sumasagot,” usisa ng mommy niya.
“Mom, pasensya na, may importanteng meeting lang ako kanina. Hindi ko na rin naalala na susunduin ko rin ‘tong si Julius. Teka, puwede ka namang mag-taxi, nagpahatid ka pa talaga kay Arabella?” baling nito sa kapatid.
“Tsss! Kuya, as I’ve said nandoon si Arabella. Sabi niya pupunta rin daw siya dito kaya sumabay na ako,” katuwiran nito, “Teka sa’n nga kamo ang meeting mo kanina?”
“Soon you will know dahil ikaw na ang makikipag-usap sa kanila. Hindi ko kasi ma
