MAAGA pa lang ay dumating na agad si Izaiah sa bahay nina Camille para suyuin ang babae. Ipagluluto niya ito kagaya ng ginawa nito sa kanya noong may sakit siya. Kanina ay hinatid muna niya si Cyd sa school at pagkatapos ay bumalik naman siya sa bahay nina Camille.
“Hijo, hindi ka ba papasok ngayon sa opisina?” tanong ni Alfred.
“Hindi po muna, Tito, bukas na lang po siguro. Kailangan ko kasing bumawi kay Camille,” anito.
“O siya sige at paalis na rin kami ng Tita Helen mo. Ikaw na muna ang bahala sa kanila,” ani Alfred na tinapik siya sa balikat. Natutuwa siya dahil malaking bagay ang pinagkakatiwalaan siya ng mga magulang ng nobya.
“Tito,” tawag niya kaya napalingon ito sa kanya.
“Ahm…si Ivan po ba ay pumupunta rin dito?” nahihiyang tanong niya. Pero imbes na sumag
