MULA opisina ay agad na pumunta si Izaiah sa condo unit niya. Nalaman kasi nito kay Grace na pumunta raw doon si Camille na mag-isa. Hindi kasi niya pinapaalis ang asawa kapag walang kasamang driver dahil maselan ang pagbubuntis nito. Pero ayon kay Grace ay nag-drive pa itong mag-isa. Ang tigas naman ng ulo ng asawa ko, usal niya habang papalapit sa pintuan.
Naabutan niya ang asawa na nakaupo sa sofa at nakatingin sa malaking wedding portrait nila noon ni Amber. Napakamot siya sa ulo hindi pa pala niya iyon natatanggal dahil sa sobrang pagkaabala niya.
Lumipat kasi sila sa mas malaking bahay sa Village malapit sa tirahan ng mga magulang ni Camille. Kung kaya’t bihira na lamang siya kung umuwi ng condo unit niya. Agad niya itong nilapitan at hinalikan sa pisngi.
“Ba’t hindi ka
