KASALUKUYANG nasa hapag kainan ang pamilya para mag-almusal habang si Cyd naman ay nagpupumilit na puntahan si Ivan sa hospital.
“Mommy, puntahan po natin si Papa.”
“Anak, ‘wag na muna ngayon, okay?” nilagyan niya ito ng pagkain sa plato.
“Sige na po,” pagpupumilit nito.
“Pero, anak, baka magalit na naman si Cassandra pag pumunta tayo,” sabi niya. Ayaw na kasi ni Camille ng gulo kung kaya’t hangga’t maari ay ayaw na niyang makipag-ugnayan kay Ivan.
“Kukumustahin lang natin siya, Mommy. Kawawa naman si Papa,” giit nito. Nakita ng amang si Alfred ang pagbuntong-hininga ni Camille at ang kagustuhan nitong pagbigyan si Cyd pero masyado nang komplikado ang sitwasyon.
“Gusto mo ba talaga makita ang papa mo, apo?” tanong ni Alfred.
“Opo, Lolo,” napatango-tango
