****
Kanina pa hindi mapakali si Luigi sa kinauupuan niya. Hawak-hawak niya ang cellphone niya at kanina pa niya iyon tinitingnan kung may text na galing kay Chelsey. Sa totoo lang ay hindi naman siya pumayag na umalis ito mag-isa, sadyang naisahan lang siya nito kanina kaya nakaalis ito mag-isa.
Ilang minuto pa ang nagdaan ay wala pa rin siyang naririnig na kahit ano dito, nagsisimula na siyang kabahan ngunit hindi niya alam kung tama nga bang kabahan siya gayung wala namang mangyayaring masama kay Chelsey. Ang tapang naman ng apog ng Sania na iyon na gawan ng masama si Chelsey na nasa paligid lang siya at si Janice.
Huminga siya ng malalim at isinandal ang katawan sa sofa at ipinikit ang mga mata niya. Kailangan niyang pagtiwalaan ang mga desisyon ni Chelsey dahil baka kapag hinigpita
