Ilang sandali pa ay papasok na ang sinasakyan namin sa isang mahabang drive way.
Agaw-pansin ang parang swimming pool sa bawat gilid ng malapad na driveway na paikot hanggang sa nagtagpo sa harapan ng isang modern Mediterranean mansion na tumambad sa harapan namin.
"Welcome, home, Yolly," masuyong pahayag ni Rusca.
"Bahay mo 'to?" namamangha kong tanong.
"Yes, at magiging bahay mo rin," walang gatol niyang tugon.
Bago pa ako makapagkomento sa sinabi niya ay may nagbukas na ng pintuan para sa amin.
Unang bumaba si Rusca bago niya ako personal na inilalayan.
"Naghihintay si Julia sa bahay kaya hindi na ako tutuloy," pahayag ni Sir Felan nang bumaling dito si Rusca.
"I'll call you," sabi rito ni Rusca.
Tumango lang si Sir Felan bago kumaway sa direksiyon ko.
"Enjoy your stay, Yolly,
