*Marco*
Para akong walang buhay na naglakad patungo sa isang lugar na hindi ko alam. Tahimik ang paligid pero wala na akong pakialam, nawalan na ako ng ganang makialam sa paligid. Para na kasi akong pinatay dahil sa pamamaalam ng babaeng pinakamamahal ko.
Hanggang dito na lang ba kami? Wala na ba talaga akong magagawa?
Naramdaman kong pumasok kami sa isang silid at marahan nilang binitawan ang mga braso ko. Naramdaman kong malaya na ako pero hindi pa rin ako kumilos. Para saan pa kung mismo ang babaeng mahal ko ay sumuko na?
Narinig kong may lumapit sa akin at tinanggal ang piring sa mga mata.
Hindi ko maipaliwanag kung ano ang nararamdaman ko nang makita ko kung sino ang nagtanggal ng tela sa ulo ko. Magagalit ba ako? Bakit naman kasi niya ito ginawa sa akin?
Inilibot ko ang mg
