*Janine*
“Oh, hanggang dito lang kita pwedeng ipagmaneho. Maglakad ka na lang para hindi makita ni Marco ang sasakyan ko,” bilin ni Patricia.
“Salamat ha. Huwag niyo na lang akong hintayin, magta-taxi na lang ako pauwi,” sabi ko bago ako bumaba ng sasakyan.
Binilisan ko ang paglakad para hindi ako mapansin ni Marco. Sa isang parang mansion tumigil ang kanyang sasakyan at dahil walang ibang pwede kong pagtataguan, sa isang poste malapit sa bahay na lang ako nagtago.
“Oh, Marco. Mabuti na lang at napaaga ang dating mo,” narinig kong saad ng magandang babaeng sumalubong sa kanya. Medyo may edad na ito kaya naisip ko na baka siya ang ina ni Marco.
“Parating na ang kuya mo kasama ang asawa niya. They will have dinner with us,” patuloy na nagsalita ang babae, “Marco, nagbago na ang kuya m
