ISANG malalim na buntonghininga ang pinakawalan ni Amaiah habang nakatitig sa kaniyang ate Gemini na natutulog habang may oxygen na nakakabit sa ilong nito. May dextrose ding nakakabit sa likod ng palad nito.
Dalawang araw na ang nakalipas simula nang isinugod ito rito at hanggang ngayon ay hindi pa rin ito nagigising. Pero sabi naman ng doctor ay ligtas na ito at ang baby at wala na silang dapat na ipag-aalala.
Nailipat na rin ito sa isang private room, courtesy of Dr. Arken Lawrence Fortalejo. Hanggang ngayon ay hindi pa rin niya maintindihan kung ano ang relasyon ng doctor na iyon at ng ate Gemini niya at kung bakit doon pa ang ate niya makituloy sa bahay ng mag-asawa.
Isa pang buntonghininga ang pinakawalan niya. Ano ba talaga ang totoong nangyari? Hindi talaga siya naniniwala na it
