"CONGRATULATIONS, INA."
Masayang bati ni Amaiah kay Jenina nang magkaroon na siya nang pagkakataon na batiin ito.
Mula kasi nang dumating ang bagong kasal dito sa malaking function hall ng La Cruix Hotel, kung saan ginanap ang wedding reception ng mga ito ay ngayon lang din ito naihiwalay sa asawa.
"Thank you, Gabby." masayang tugon nito at naupo na rin sa tabi niya kung saan nakaupo kanina si Brant.
Nilingon naman niya ang lalaki at masaya naman itong nakipagkuwentuhan sa asawa ni Jenina kasama ang mga kaibigan ng mga ito. Pagkuwan ay nakangiting tiningnan niya ulit ang kaibigan.
"Grabe, hindi ako makapaniwala na mapapangasawa mo pala ang tinaguriang number one rare business genius ng bansa. At saka hindi rin ako makapaniwala na minahal ka ng taong batong iyan." aniya sa nanunukson
