ANG MAKAPAL na parang puting bulak na ulap mula sa itaas ay bumibigat na, makulimlim ang kalangitan imbes na kulay ginto ang gustong panoorin ni Amaiah sa hapong ito. Niyaya kasi siya ng kaniyang ate Gemini kanina na magpunta rito sa isa sa mga waterfalls dito sa Cebu na madalas din nilang pasyalan noon nang mga bata pa lang sila.
“All my life, I am nothing but a mean spoiled brat.” Ani ate Gemini, naupo ito sa tabi niya habang sabay nilang pinagmamasdan ang tubig na umaagos mula sa itaas. Saglit lang niya itong nilingon, pagkuwan ay ibinalik din niya ang tingin doon sa talon.
Nasa isang kuweba sila sa kanang bahagi ng talon at napalilibutan iyon ng malalaking bato. Naglatag lang sila ng blanket at doon naupo. Malinis pa rin ang kuweba gaya ng dati at hindi mapanganib tingnan.
Madalas
