NAGDADALAWANG-ISIP si Amaiah kung sasagutin ba niya ang tawag ni Brant. Nangingilid din ang kaniyang mga luha habang nakatitig sa pangalan ng lalaki sa screen ng kaniyang telepono. Naninikip ang dibdib niya sa pagpipigil na 'wag maiyak.
Sunud-sunod at malalim na buntonghininga ang pinakawalan niya, pagkuwan ay pinindot niya ang decline button. Ayaw na niya itong makausap pa. Kung tungkol sa annulment ang itinawag nito, then papuntahin nito rito ang abogado nito.
Nagtipa siya ng reply para kay Jenina. Sinabi niya ritong nasa Cebu na siya. Matapos niyang mai-send iyon sa kibigan ay pumunta siya sa kaniyang contacts at binura ang pangalan ni Brant saka siya lumabas ng kaniyang kuwarto.
Matapos silang maghapunan ay nagkuwentuhan pa sila ni ate Gemini. Ito ang naghuhugas ng kanilang kinaina
