"Mama gusto ko po sanang bilihin iyong lupang binebenta ni Tiyo David." Halos malaglag sa kinauupuan niya ang ina ni Katallea. Nanlaki ang mata nito dahil sa tinuran ng anak.
"May sapat ka na bang ipon, anak? Aba, ilang buwan ka pa lang sa pagtuturo. Hindi rin gano'n kalakihan ang sahod mo. Ang balita ko eh nasa one hundred thousand daw iyon"
"May naitabi po ako, mama," pag-amin ni Katallea.
"Saan ka kumuha ng gano'n kalaking pera? Ikaw na bata ka ha, huwag mong sabihing totoo ang mga napabalita na gumawa ka ng hindi maganda sa Maynila para lang magkapera," sermon ng ina niya.
"Mama, pati po ba kayo ay pag-iisipan din ako ng masama? Syempre hindi ko po gagawin iyon."
Naiyak ang dalaga sa mga sinabi ng ina. Hindi siya makapaniwala na pati ito ay pagsasabihan siya ng ganoon. Tanggap
