Limang araw na ang nakakalipas at hindi pa rin umuuwi si Estong. Tumataas na ang kilay ng mga taong sige pa rin sa kakahanap kay Estong para ipakulong. Wala naman silang magagawa kung hindi nga umuwi ang lalaki sa bahay nito.
At habang lumilipas ang mga araw, mas lalo lang kumakabog ang dibdib ni Aling Nena. Hindi na maganda ang kutob niya. Baka may nangyari nang masama kay Estong kaya hindi ito umuwi.
"Tumulong na halos lahat ng baranggay pero hanggang ngayon ay hindi pa rin nahanap si Estong," sabi ng ina ni Rowena.
Hapong naupo sa isang upuang gawa sa kawayan si Aling Nena. Sa katunayan, pagod na siya. Halos limang araw na rin siyang walang tulog sa kakahanap kay Estong. Ayaw niyang sumuko. Pakiramdam niya ay sa mga oras na 'yon, kailangan ni Estong ng tulong. Hindi pa nagkakamali
