Pumasok na sila sa kani-kaniyang klase. Pagpatak ng alas-kuwatro, nauna na siyang lumabas ng klasrom. Nasabi na niya kay Yalke ang pagtatampo ni Jowee, at sabi naman ng kaibigan niya na kailangan niyang bumawi. Ilabas niya raw si Jowee. Payag naman siya, para kahit paano kay makabawi kay Jowee.
Puno ng estudyante sa hallway. Kailangan pa niyang lumusot sa nagkukumpulang mga tao para makatawid papuntang junior building. Sana nga lang ay nandoon pa rin si Jowee. Ayaw na niyang mangyari ang katulad nang kahapon. Baka tuluyan na itong magtampo sa kaniya. Mabuti nalang at hindi tulad ng ibang babae si Jowee na kailangan pang puspusang suyo bago mapaamo. 'Yon din ang nagustuhan niyang katangian nito.
Narating niya ang klasrom ng kasintahan at napangiti siya nang makita ito sa loob. Nagliligpi
