"SI ERNIE ang nagpalaki kay Anna," aniya na parang maipapaliwanag na niyon ang dahilan kung bakit ayaw niyang ipakilala ito sa anak nila.
"So? Is that my problem?" patuyang anito.
Inis naman na nilingon niya si Percy. "Hindi mo ko naiintindihan!"
"Ikaw ang hindi nakakaintindi!"
"Maguguluhan ang bata!"
"Puwes sabay nating ipaintindi sa kanya."
"Ang tigas ng ulo mo!" halos masabunutan niya ang buhok sa sobrang inis.
"Ikaw ba hindi?!"
"Masasaktan si Ernie..." nanghihinang aniya. Nanghihina na siya dahil wala namang tinatanggap na paliwanag si Percy.
Lumambot ang mukha ni Percy sanhi para matigilan siya.
"Ako ba hindi?" malungkot na tanong nito. Namula ang mga mata ni Percy. Binitawan nito ang braso niya at mabilis na nag-iwas ng tingin sa kanya para itago ang pamumuo ng luha.
Miski
