WALKING distance lang ang bahay ng kanyang asawa sa mall kung kaya hindi niya na ginamit pa ang isang sasakyan at minabuti na lamang na maglakad.
Pauwi na sana siya nang muntik siyang masagasaan.
Kung hindi ito nakapreno ay baka nasagasaan siya ng tuluyan. Nanginginig ang katawan na sinulyapan niya ang driver ng isang magarang sasakyan. Mercedes benz iyon. Gusto niyang sigawan ang driver sa galit. Paano kung nasagaan siya? Paano na ang kanyang pamilya? Ang daming pumasok sa kanyang isipan.
Bumaba ang driver ng sasakyan. Nakauniporme ito. Nakangiti pa ito sa kanya kaya umangat ang kanyang kilay. Lalo tuloy siyang nagalit.
"Next time tumingin sa dinadaanan mo. Paano kung napatay mo ako maibabalik mo ba ang buhay ko?" galit na galit na tanong niya sa driver na napapakamot sa ulo. Ito ang
