NAGULAT pa si Greg nang malaman nito na nagcancel si Mr. Chan sa kanila. Naikwento niya kasi ang tungkol sa appointment niya sa negosyante na hindi natuloy.
"Siya pa nga ang tumawag sa atin para sa appointment na 'yon pagkatapos ay kakanselahin niya?" takang-taka na wika ni Greg kaya napailing na lamang.
"Business is business Greg. Kailangan natin tanggapin ang kanilang desisyon. Makakahanap pa naman siguro tayo ng katulad niya," sagot niya kahit na ang totoo ay nanghihinayang din naman siya sa nangyari.
"Tama po 'yan Sir. Hindi po tayo dapat mawalan ng tiwala," sabat naman ni Katherine kaya napangiti siya. "Magtiwala tayo sa mga wines natin."
"That's right! Tuloy ang trabaho," wika niya naman.
Bumalik na si Greg sa production at siya naman ay naiwan sa office. Kasama niya sa loob ng
